Nadom 1 - Nadom Gusti Urang

NADOM GUSTI URANG

gusti urang sarerea
kanjeng nabi anu mulya
muhammad jenenganana
arab quraisy bangsana

ramana sayid abdulloh
ibuna siti aminah
dilahirkeuna di mekah
wengi senen taun gajah

robiul awal bulanna
tanggal ka dua belasna
april bulan masehina
tanggal ka dua puluhna

ari bilangan taun na
lima ratus cariosna
tujuh puluh panambahna
sareng sahiji punjulna

siti aminah minsaur
waktos babarna ka catur
ninggal cahya mani ngembur
di bumi-na hurung mancur

babar taya kokotoran
orok lir kenging nyipatan
soca lir kenging nyipatan
sarta harum sesengitan

medal nabi akhir zaman
pirang-pirang ka anehan
sesembahan bangsa setan
kabeh pada karuksakan

nabi yuswa lima bulan
tos tiasa angkat-angkatan
yuswana salapan bulan
geus capetang sasauran

yuswa na sapuluh bulan
tiasa ameng papanahan
ngèlèhkeun budak nu lian
tapi tara kumayunan

parangina kangjeng nabi
jatnika pinuh ku puji
pinter tur gede kawani
sareng nyaah ka sasami

Terima Kasih telah mengklik blog ini

Jika berkenan scan barqode dibawah ini sebagai apresiasi bagi penulis :-)

 

keur opat taun yuswana
di bersihan manahna
nabi di beulah dadana
malaikat nu meulahna

jibril kadua rencangna
mikail jenengannana
ngeusikeun kana manahna
elmu hikmah sapinuhna

tuluy kanjeng nabi
gancang di rapetkeun deui
sarta teu ngaraos nyeuri
di cap ku hotamin nabi

harita nabi ayana
dilembur ibu inangna
halimah jenenganana
sadiyah ngaran lemburna

rama nabi kacaturkeun
pupusna ka carioskeun
basa nabi dibabatkeun
dua sasih ka unggelkeun

keur lima taun yuswana
ditinggal pupus ibuna
tuluy dirawat éyangna
abdul mutholib asmana

kersana robul alamin
kanjeng nabi nu prihatin
yuswa dalapan taun yakin
éyangna mulih kabatin

sabada wapat éyangna
nabi di rawat uwana
abi tholib kakasihna
saderek teges ramana

kanjeng nabi sering pisan
di candak ka nagara syam
sok nyandak barang dagangan
didinya tèh pajeng pisan

kacatur di éta negri
loba pandeta yahudi
sarta pandeta nasroni
nu tepang jeung kanjeng nabi

sadayana sasauran
ieu jalma mo nyalahan
pinabieun akhir zaman
torét injil geus ngibaran

sipat nabi panganggeusan
aya di anjeuna pisan
harita loba nu iman
ka nabi ngangken panutan

lami-lami kanjeng nabi
disambat ku hiji istri
dagangka unggal negri
ka untungan na dibagi

yakni jenengan hodijah
putra huweaelid ka telah
nu pangbeungharna di mekah
ka nabi kalangkung nyaah

siti hodijah masrakeun
ka nabi barang dagangan
maesaroh anu ngarèncangan
ka nabi purah nyarengan

kacarios maésaroh téh
loba pamendakna anèh
ciciren nabi nu soléh
matak ngahérankeun kabéh

tatangkalan uluk salam
mega bodas sok mayungan
jeung aya cap ka nabi
dina salirana pisan

pamendak siti khodijah
cocok pisan maetakoh
akhirna siti khodijah
ka nabi mundut ditikah

harita yuswa nabi
salawe taun kawanti
ngadak-ngadak sugih mukti
tapi tambah sae ati

karesepna kanjeng nabi
ka gusti alloh ngabakti
di gunung hiro maranti
ibadahna saban wengi

didinya jol ka sumpingann
jibril anu nurunkeun Qur'an
kalawan dawuh pangeran
nabi didamel utusan

harita yuswa nabi
opat puluh kawanti
\diutus ku Alloh pasti
ngembarkeun agama suci

anu iman pang heulana
siti khodijah garwana
abu bakar anu kaduana
sohabat anu pang mulusna

murang kalih nono0man
anu pangheulana iman
sayidina ali pisan
ka nabi saderek misan

jeung ari jalma beulian
anu pangheula iman
sayidina bilal kaleresan
anu jadi tukang adzan

ari loloban pisan
ka nabi teh ngamusuhan
nganiaya ngajailan
teu aya pisan rasrasan

para shohabat kungsi ngalih
ka negri habsi nu tebih
didinya anjeuna linggih
kira kenging tilu sasih

Terima Kasih telah mengklik blog ini

Jika berkenan scan barqode dibawah ini sebagai apresiasi bagi penulis :-)

 

samulih shohabat ti habsi
kacarios kanjeng nabi
kenging cocobi pohara
kersana nu maha suci

uwana sareng garwana
pada pupus duanana
harita nabi yuswana
kaliuma puluh taunna

geus pupus siti khodijah
nikah ka siti saodah
sareng ka siti aisyah
umil mu'minin ka telah

tidinyah kersa pangeran
maparinan kamulyaan
ka nabi anu akhir zaman
kaksih anu sipat rohman

nuju tinggal tujuh likurna
bulan rajab anu kacatur
nurut dua anu mashur
kanjeng nabi teh disaur

dipapagku malaikat
nyandak buruok nu kasebat
leumpangna teh cra kilat
tunggangeun nabi angkat

ti mekah kam baitul makdis
teu nganggo lami antawis
ku jalma teu katawis
kersana gusti snu wacis

ti baitul makdis terasna
naek tangga kencana
mi'raj tea kasebatna
kalangit nabi sumpingna

tujuh langit sadayana
jeung aras anu pangluhurna
disumpingtan sadayana
katut surga narakana

kanjeung nabi ditimbalan
ku gusti nu sipat rohman
anjeuna kedah netepan
sholat muji kapangeran

kabeh jalma anu iman
sami pada kawajiban
aholat nu lima giliran
teu meunang dikurangann

sholat eta minangkana
nabi panutan
yuswa na teh kaleresan
lima puluh dua jalan

kafir mekah kacaturkeun
bareng nabi nyarioskeun
mi'raj dimulyakeun
anggur pada nyeungseurikeu7n

pada hasud ngakalkeun
tidinya alloh ngersakeun
kanjeng nabi di alihkeun
ka mdinah di sirnakeun

para sohabat pirang-pirang
nu bumela milu iyang
milu ngalih sewang-sewang
henteu piusan sumureang

tambah kamulyaan nabi
dimadinah asal sepi
jadi rame ku nu ngaji
ngaji kanu maha suci

 

Terima Kasih telah mengklik blog ini

Jika berkenan scan barqode dibawah ini sebagai apresiasi bagi penulis :-)