Kautamaan maca sholawat

Assalamu alaikum wr.Wb alhamdulillahi lladzi amarona annusholiya wa nusallima 'ala nabiyihi, asyhadu ala illa ha illalloh wahdahu la syarikalahu, wa asyhadu anna muhammadan abduhu wa rosuluhu alladzi ballagho risalatati. Ama ba'du qola llohu ala fi kitabihil karim wahuwa asdakul koilin ... Hadirin rohimakumulloh ari maos sholawat ka kanjeng nabi muhammad sa tèh kalebet nyuhunkeun kaberkahan ka gusti alloh, sareung ari maos sholawat tèh nyumponan piwarangan gusti alloh, sakumaha dina ayat al-qur'an: "saèstuna alloh katut malaikat-malaikat-Na ngucapkan sholawat ka nabi, yeuh jalma-jalma anu ariman ucapkeun ku aranjeun sholawat ka anjeun, jeung ucapkeun ku aranjeun salam ka anjeun kalawan saèstuna ( Qs.Al-ahzab:56 ) ngeunaan kautamian maos sholawat ka kanjeng nabi muhammad saw, anjeuna ngadawuh: "saha jalmh anu maca sholawat ka kami sakali, maka alloh maca sholawat ka èta jalma sapuluh kali" ( HR muslim ) "manusa anu paling utama mungguh kaula dina dinten qiyamat nyaèta anu pang seueurna maca sholawat ka kaula" ( tarjamah fiqih sunnah, jilid:4, halaman:305 ) hadirin anu mulya supados aosan sholawat janten amal solèh, janten wasilah taqorrub diri ka alloh, ogè ditampi ku gusti alloh, maka dina maos sholawatna kedah ngangge adab kasopanan, nyaèta ikhlas karana alloh, disarengan panghurmatan sareng kacintaan ka anjeuna (nabi saw) ku cara ngahadirkeun rasa agung sareng luhurna kadudukan anjeuna dihadapan gusti alloh, lahir sinareng batinna, di dunya sareng diakhèrat, anu moal ka pimilik ku saha baè ogé, anjeuna ngarupikeun sabab tina sagala ayana mahluk, cahaya tina sagala cahaya nu nyandak rohmat, maparin kango sadaya mahluk. Hadirin rohimakumulloh ku peryogi-peryogina maos sholawat ka kanjeng nabi muhammad saw. Dugika di pandang jalmi pangkoretna dimana-mana nguping disebat jenengan anjeuna tapi teu maos sholawat. Katampi ti abu dzar, rosululloh saw ngadawuh: "saestuna pangkoretna manusa, nyaeta jalmi anu disebat ngaran kaula disisi manéhna tapi éta jalma henteu maca sholawat" malihna upami dina hiji riungan jalmi-jalmi, tapi dina èta riungan henteu aya dzikir ka allnh sareng teu dibacakeun sholawat ka kanjeng nabi, maka èta riungan janten karugian dina dinten kiamat, upami gusti alloh ngersakeun, maka baris nyiksa, pami ngersakeun maka baris ngahapunten. Kitu numutkeun dawuhan rosululloh saw. Ku kituna dina kasempetan anu mulya ieu, sim kuring umajak, hayu urang pada nyeueurkeun maos sholawat ka kanjeng nabi muhammad saw. Sakadugana nohonan piwarang alloh swt. Ogè nohonan piwarang rosul-Na, malah mandar diangken ummatna anu kènging syafaat jaga dina dinteo kiamat. Muga-muga urang sadayana ditakdirkeun ku gusti alloh janten jalmi ahli maos sholawat ka kanjeung nabi muhammad saw. Amin hadirin rohimakumullog sakitu kapihatur mugia aya manfaatna. Billahi taofik wal hidayat 

 

 

assalamu alaikum wr.Wb

 

 

Terima Kasih telah mengklik blog ini

Jika berkenan scan barqode dibawah ini sebagai apresiasi bagi penulis :-)